الهقاوي

الهقاوي

ياضرير العب معي دامي بصير=يمكن ادلك على فوز ٍ مريح
ثبت الكوره بوسط المستدير=اركله يمي ولاتحكي فصيح
اسف اثرك ماتشوف اللي يصير=العذر منك وللعذر استبيح
خلنا نبدا من الصفر الحقير=ونتحدى كل عاصوف ٍ وريح
اعتبر ان النداوي مايطير=يكفي انه لاحضر كلن يصيح
واحدن قال ان له فعل ٍ خطير=واخرن من عام الاول هو جريح
والبقيه في حضوره تستذير=مايهدّي روعها عرفج وشيح
مايعز الطير مخلاب ٍ طرير=عزته لابان له فعل ٍ صريح
الهقاوي عمرها عمر ٍ قصير=مايوكدها سوى علم ٍ صحيح
كم صغير ٍ صار له قدر ٍ كبير=من فعول ٍ تودع الثعلب ذبيح
والحقيقه كم سمعنا عن امير=ماله افعال ٍ وله كف ٍ شحيح
ياضرير ابصر بعقلك تستنير=اسمع العاوي ولاتسمع نبيح
لا ثبات الا ثبات ٍ للعشير=الذي خلا دم العسره يسيح
كفن المشروه في سلك الحرير=وادفنه من غير ماتبني ضريح
المواقف بعضها نار وسعير=لو تحاول تذكره يمكن تطيح
ياضرير القاف ماهو من حصير=جبت لك جزل ٍ من اعماق القريح
اتكل بالله وحاول تستخير=الجدي ثابت ولا احدن له يزيح
الا رب الكون علام المصير=والردي لاتلتفت له تستريح

وسلامة من تااابع
بوح وجداني