قالوا اكتب

قالوا اكتب

[poem=font=",6,black,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""] قالو : اكتب .. والا عطنا من قديمك واذكره=المهم حنا عطاشا .. للجديد وللقديم
قلت : انا حاضر .. وقافي ماتعودت اعسره=لانواله وجهة ٍ .. خليته بدربه يهيم
جمرة ٍ بالروح تكويني .. وقافي مبخره= من ضلوعي طيبها .. والمنتشر .. وجد ٍ عظيم
الجهات اربع .. وانا لي وجهة ٍ متأخره=بوصلة قلبي تشاورلي عليها .. بالصميم
وجهة ٍ مهما وصلته .. عارف اني بأخسره=وان تجاهلته .. وجع قلبي من اسبابه .. اليم
لاغرابه .. لو زماني لادعيته .. ينهره=لاغرابه لو تصير الروح .. في بعده .. هشيم
ينتخي بالقلب حلم ٍ .. مالقا من ينصره=والمهونه في شعور ٍ .. مايبي نظرة حكيم
يشهد الليل وظلامه .. يشهد اني اسهره=والسكات اللي يطوّقني .. بنظرات الغريم
يشهد المعنى وشعري .. والقلم والمحبره=والثواني والمكان .. وضيقة الصدر الحليم
يشهد البوح وشعوري .. والعيون الممطره=والعواذل .. والحسود اللي يسانده الرجيم
تشهد آآهاتي .. ونبرات الحزن بالحنجره=والنصيب اللي يحاربني .. على حلم ٍ يتيم
يشهدون وطعنة الفرقا .. شهدلي خنجره=يشهدون ويشهدون .. ويشهد الرب الرحيم
من قضى عمره .. طبيعي يندفن بالمقبره=والبلا وشلون ابدفن .. شامخ ٍ وسطي مقيم
قلتو اكتب .. وانهمر بوحي .. وغرغر بقهره=والمحاني من عطشها .. تحسب الدخان غيم
لا جرى نهر التوجاد .. وتعذّره ابحره=وين يدوي ؟ كيف يرجع ؟ هاتو الحل السليم
لاتلحون بطلبكم .. يوم قلت المعذره=ادري ان البوح قاسي .. لكن المولى كريم[/poem]

وسلامة من تااابع
بوح وجداني