(( آتحاشى الهم ))

صباح الهنا


تفضلووو لا هنتو :




آتحاشى الهم وأنت اتحدني
للطريق اللي يودي للعذاب

كل ما سجيت عنه اتردني
لين بديت الخطا قبل الصواب

في غلاي ابنيك وأنت اتهدني
وبالمشاعر لي حضور ولك غياب

ادري انك دون شك تودني
لكن أسلوبك يجيب الإكتآب

ليه لآهات الهموم تمدني
وترمي أشواقي للوعات العتاب

بس لو مره بعمرك بدني
قبل نفسك بالسؤال وبالجواب

أفهم إحساسي ويمك شدني
قبل ما شمس الغلا عنّك تغاب

وإلا أقولك : أنت روووح وهدني
واعتبر حبي حكايه من سراب

وإلا تدري : في حياتك عدني
جرح غالي طاح من قلبك وطاب




وسلامتكم


فهــــــــــــــــد