فترة غـــياب ..

((( فترة غـــياب )))


[poem=font=",6,black,normal,normal" bkcolor="transparent" bkimage="" border="none,4," type=0 line=1 align=center use=ex num="0,black""]
كلمتني من عقب فترة غياب=وسألتني كيف حالك يالصويب
قلت مدري كيف حالي بالجواب=من تركتيني وانا جرحي عطيب
ماتهنى في طعامي والشراب=لا ولا يطري على بالي اطيب
والليال السود ورتني عذاب=والنهار الوان حزني ماتغيب
شوف عنواني قبل تقرا الكتاب=فيه حزن وفيه خوف وفيه ريب
كني الهالك عطش يطرد سراب=حارت اقدامه على مجرى شعيب
كنت شايف جوي الصافي ضباب=وسط ربعي شبهوني بالغريب
قالوا ان البرد بظلال السحاب=وانا اقول البرد في بعد الحبيب
فيك عمري مايخاف ولا يهاب=من فهمني يعتبر نفسه لبيب
كنت خايف ينتهي عمر الشباب=امكـنيني من قبل راسي يشيب
يشهد الله مانويتك بالخراب=كان قصدي نجتمع عند الخطيب
لكن الدنيا لها الفين باب=والله اللي يكتب القسمه ونصيب[/poem]


--------------------

وسلامتكم