لا تروح ولا تجي !!

لاتروح ولا تجي !!

ليه يادنيا المآسي والجروح= ليه انا محتار ما اْعرف منهجي
يومها كانت معي خايف تروح=يوم راحت صـرت انا خايف تجي
كنت اسولف عن هوانا والطموح=كنت اغني واسمع اللحن الشجي
شفت شارات الفراق اللي تلوح=قلت لا والفين لا وانا ارتجي
بير حبي غير قابل للنضوح=وامتحي دلو بغرامك واخرجي
لا ولا غيرك حبل ورده يشوح=في جما بيري عبيرك ينغجي
وقطعت حبل الغرام بلا وضوح= وانطفت شمعات نورن تلعجي
يا إلاهي صبّر القلب اللحوح = كل ضيقه عقب وقتن تفرجي
واطلب المولى عسى دربك سموح=مالي غيره في حياتي والتجي

وسلامتكم