وين الحبيب

السلام عليكم ورحمة الله
اتمنى الجميع بخير
"
( وين الحبيب )
"

كلما نقول ان الغلا زال ..مازال
وكلما نقول انّا نسينا ..ذكرناه

وكلما قفلنا باب الاشواق باقفال
غصبٍ علينا ..بالطواري كسرناه

وكلما عزفنا للأحاسيس ..موال
تعصف بنا ذكرى غرامٍ خسرناه

وكلما كتمنا حبنا ..ثار زلزال
بين المحاني كم شعورٍ قبرناه

وكلما حدتنا للسهر ضيقة البال
يشرق علينا واقعٍ ..ماعذرناه

وكلما عزمنا مانجي حول الاطلال
تأبى رحول اشواقنا ..لو نحرناه

وكلما هطل من محجر العين همال
غصبٍ علينا ينتثر ...مانثرناه

دلو المحبه يلزمه ..بير وحبال
والبير مطوي بالغلا من حفرناه

وين الحبيب اللي تمايل ولا مال
من شان عينه بيرنا ماطمرناه

كل العرب ..مابين راحل ونزال
وانا ربيعي لاحضر من نطرناه



وسلامة من تااابع
بوح وجداني
.