06-02-2012, 11:20 AM | #1 | |
شاعر
|
رضا
ارضاء النفس غاية صعب المنال رضا
الصدور الخافقة بالحب تشكي من ركود=من دياجير الليالي والفراق اصبح وكاد تستبيحه ذكرياتٍ في متاهات الرقود=ذاب عنها بارقٍ يلمع على صدر السواد جيت اعدلها يمين وجيت اردة من صدود=وين ما دورة تميل وكنها خلقت جماد لا سليت بحاضري ولا قدرت ارجع واعود=ولا لقيت من الحلا لجل الغلا غير البعاد اشتكي مني عليّ واشتكي صد وجحود=واتحسس من هوى الخلان في حر وبراد ملعبٍ بين المحاني للهواجس زاد زود=والليالي سارياتٍ سارحاتٍ بالفؤاد وش تبي هالنفس مدري رغبة ماله حدود=للشقا تعشق لقا والنقا غاية مراد اتعبتني في سؤالاتٍ صعيبات الردود=ما لها عندي اجاباتٍ سوى صمت وهجاد تسأل المجروح عن دمعٍ تنثر بالخدود=وتسأل السهران ليه تبدد احلام السهاد تسأل اطراف الرمال وتركب امواج النفود=وتسأل الوديان عن صوت الغلا بين الوهاد وتسأل الريح العقيمه كيف ما فيها رعود=وتسأل السائل وماذا من سؤالك يستفاد ترتجي ما ترتجي لو تجي والا تعود=زمجرن التايهات الهايمات بكل واد اعطبني واشغلني والتمني في برود=والرضا بح وقضا جمر الغضا اصبح رماد الوكاد اني كتبت ابيات من نفسٍ شرود=قلت ابرضيها ولو موضوعها ما به سداد وسلامتكم
تحياتي لجميع اعضاء المنتدى |
|
|
2 أعضاء قالوا شكراً لـ بيت الطين على المشاركة المفيدة: | انا هو انا (07-02-2012) |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|