على جبيني

الى متى والمنتدى شبه ساكن تحركو وحركونا نبي زمان اول
لقلوبكم هالبويتات نبي رابكم فيها
على فكرة تحتوي الابيات على بصمة كالعادة دوروها
محبكم بيت الطين

على جبيني

على جبيني طبع بالشوق تعبيرة=واسقا فياض الضما من حمر الاوراقي
تباشرن المحاني من تباشيرة=ودقت طبول الهنا بالروح دقاقي
اخذت لي بالهوى سجه وتصبيرة=ملك حياتي وخلا الروح تشتاقي
لملم بقاياي من ذوقه وتقديرة=وضمد جروح الخفوق بحسن الاخلاقي
لا والله الا نعاف الود من غيرة=غيرة مسحته .. وحبه تاليٍ باقي
على فروع الهوى فاقت تصاويرة=على فتات الامل فكيت الاحداقي
قمت اتساما على حسة وتنويرة=واركب خيالي وادور بكل الافاقي
لعل طيفة يجي واعطيه تقريرة=واشرح ظروفي وامزق باقي اوراقي
واكتب على صفحة الايام بالسيرة=" اثر الغلا عادته للروح سراقي؟ "
مالي ومال القصايد شرة وخيرة=مادام لي صاحبٍ . لي دوم يشتاقي
مير البلا مبعدٍ بالدار والديرة=بيني وبينه بحورٍ له تصفاقي

وسـلامتكم