الخبول

السلام عليكم ورحمة الله
مساااااااكم فل
/

كل الحكي للمرتكي مابه عنا=شتان مابين الحكاوي والفعول
كم واحدن لاقال (انا) هد وبنا=يعني يمينه لانوى شي ٍ يطول
وكم واحدن فعله تبلور في (انا)=انا وانا وانا وانا /تصفيف قول
ان قلت له وين الفعايل ورنا=مدري علامه يعتري صوته خمول
للوقت شمس ٍ كلما حره دنا=ثلج ٍ تغطى به جبل لازم يزول
ويبين حجم اللي كلامه شدنا=واليا حكى ماظنتي يلقى قبول
بالله يكفي فلسفه رفقا بنا=لاقلت قولك احترم بعض العقول
مثلك لو انه ساكت ٍ ماصجنا=محدن يصنّف حضرتك ضمن الخبول
وان كان طبعك ماتغير قلنا=حتى نسلك لك ونقرع بالطبول
وانا هنا ماجيت اقول اني هنا=من حقي اكتب مايسببلي ذهول

وسلامة من تااابع
بوح وجداني