المزاج

حبابيبي اعضاء منتدى حايلنا
عندي قصائد ما رفعتها على الكافيه . يا بختكم ودي ارفعها على حايلنا
تقبلوها مني هدية لكم جميعا ولهدوء انسان خاصة

يابو فرج .. همي درج .. بين الضلوع العوجي=خلي هرج .. قلبي مرج .. سهم الهوى به راجي
طرفي سجا .. جرحي لجا .. بين الضلوع يلوجي=ياس ورجا .. مدح وهجا .. قلبي صويب وناجي
عج العجاج .. بين الفجاج .. بالصدر قام يروجي=حلو وهماج .. شهد وخماج .. اشرب بكاس الزاجي
كلي اجي .. يا مخرجي .. عن طوري المبروجي=يا مرتجي .. وصل النجي .. خل المحب يناجي
ريحٍ تهج .. طيرٍ يلج .. فوق السحاب يهوجي=صدر يمج .. شعرٍ يرج .. من شاعرٍ محتاجي
شفه تهيج .. سد الفليج .. الكاعب العمهوجي=عين السريج .. خده بهيج .. يشتاقه الدواجي
ريم هجوج .. ماهو يدوج .. يذبح بكثر اغنوجي=روحة تموج .. زينه يروج .. عنه الحسن ما داجي
زين الحجاج .. ضي السراج .. ياعود موز يموجي=حلو المزاج .. ذرب الخراج .. يسرح بقلب الراجي

وسلامتكم جميعا
ابي منكم التشجيع لعلي ارجع كما كنت
تحياتي الحارة لكم
بيت الطين