طاح حسني !!!

السلام عليكم

قصيده جديده اتمنى ان تلقى القبول لديكم

اخوكم / ماجد العبدالله الشمري

--------------------

طاح حسني وطاح زين العابدين=وأنت طحت وطاح من قلبي غرامك
الهروب أفضل ولا قولة سجين=او طلق في حوض يدخل في عظامك
كل شعبٍ لطغى الحاكم يدين=وأنا من حكمك تعبت ومن نظامك
كل ثاير ينتظر حاله يزين=وأنا ثاير وانتظر منك اهتمامك
اعتصمت إقبال بيتك ماتبين=اعتقدت إني أنا غاية مرامك
ماحدن يسكت على الظلم المبين=كم ظلمتيني وعذّبني كلامك
سنة المحكوم للحاكم يلين=وأنا لنت ومرخصن نفسي أمامك
طال صبري وما بقى فيني حنين=عقب نورك انشري فيني ظلامك
أنا من غدرك عرفت الخاينين=وآنت ماتعرف خوالك من عمامك
بتظاهر للجفا والله يعين=يالحبيبه طار من راسي حمامك

------------

وسلامتكم