ام اليتامى

السلام عليكم ورحمة الله
الله يسعد اوقاتكم جميعا ً
ان شاء الله ماتبخلون على جدتي بدعواتكم الصادقه يالطيبين
الله يرحمها ويرحم اموات المسلمين اجمعين
..

احسن الله العزا ياميمتي فيمن توفت=جدتي سلمى عسى ربي يسكنّها جنانه
من توفت ماتوفت دامها للحق وفت=الله الشاهد وخلق الله ومن ذاقو حنانه
في شبابه كانت العون المعين وماتخفت=في مشيبه كانت ام ٍ لليتامى باحتظانه
هي دفاهم لاقرص برد اليتم/ بالروح دفت=هي ظلال ٍ تحت كفه ظللتهم في امانه
كم تناست نفسها وامراضها بالدور صفت=ضحت بعمره تربيهم ولاترجي اعانه
لجلهم افنت جسدها لكن الاقدار طفت=شمعة ٍ نوره كسر انف الليالي بخفقانه
من سخاها من عطاها مدته بالكف كفت=السخا فطره ولو عارض طبايعها زمانه
سيرته بالخير تذكر /سيرة ٍ للطيب ضفت=من حبابتها محياها يهلي مع لسانه
ميمتي لو تذرفين الدمع لين العين جفت=ماتعود اللي قضت ساعاتها واخلت مكانه
يا الهي لاتخيب من دعاله يوم قفت=يامجيب ٍ يسمع الداعي بسره وجهرانه