الــوعـــد

السلام عليكم

(( مابي وعد ))

-------------

مابي وعد ابيك توفي بالوعــد=ابيك لاعاهدت توفي بالعهود
ابيك لامن جيت ياوجه السعد=تبقى ولا يطري على بالك صدود
ابيك شمعه تحترق لاجلي بعد=مثل ماشبيت في قلبي وقود
من لفيتي والحكي اقلط تعد=وان مشيتي مالنا فيها قعود
ياسحاب الوسم يابرق ورعد=يانبات الروض ياعطر الورود
ادخل بقلبٍ تجهز واستعد=فارشٍ رمله من اطراف النفود
انقبض قلبي وتنهض وارتعد=والحراره اشعلت وضع البرود
قام حظي ويوم ماجيتي قعد=والفرح يشكي على الحزن الجحود
ياشينها لاراح خلك وابتعد=والمسافه بينكم صارت تزود

----------
وسلامتكم

ماجد العبدالله الشمري