( تاخذين العقل )

السلام عليكم
صباح العز
تفضل يابوسلمان .. ولا هانو الأعضاء

تاخذين العقل وأنتي ساكته يانور عيني=كيف أجل لو تسكت الدنيا عشان تسولفين
لو سمحتي .. من حلا شلال همساتك عطيني=حدّري من همسة اشفاتك سواليف الحنين
حسسيني بالحنان ، وبالامان .. وحسسيني=إن حبي يكبر بقلبك مثل ما تكبرين
كلما طاح الوله .. من رعشة ايديك بيديني=تشتعل كف اليسار .. وتثلج اطراف اليمين
لو أقول : إن فيه مثلك في حلاتك .. كذبيني=عن بنات الحور في كل الوصايف تفرقين
من هي اللي زينها يشبه لزينك .. علميني=حتى أنتي يابعد كل البشر .. من تشبهين
تشبهين : إشراقة الشمس ، وسنا الدر الثميني=والعسل ، والتوت ، والسكر ، و( ضحكة صابرين )
يا عذوبة رعشة أهدابك على راحة يميني=لا ارتخت خصلة حريرك وأفرقت عين ٍ وعين
كل ما افهقها تطيح .. وكنها مثلك تبيني=تسلم أهدابك ، وخصلاتك ، وكلك .. تسلمين
والله إنك تاخذين العقل .. وإنك تاخذيني=لآآآآآخر احدود السعاده .. وأجمل أيام السنين

وسلامة قلوبكم


فــــهـــــد