|
![]() |
#1 | |
شاعر
![]() |
![]() شمعة حياتي
شمعة حياتي ذاب فيها الوله ذاب=وارخت ذوايب نورها للمغيبي ياللي لمست الجرح منك الغلا شاب=يا ليت تدري كيف تصبح حبيبي يامن ثبت في خافقي عشرة اطناب=ربطت قلبي بالهوى وش تبيبي لي منك جرح وفيك توضيح الاسباب=ولك مني اسلوب المحب الصويبي جرحك سطا بي ياهوى البال ماتاب=وانا عجزت اتوب وسط اللهيبي شربت حبك في معاليق الالباب=لين اعتذر من جرح حبك نحيبي دندن غلاك بجشة الزور ما هاب=جاوبت له بالصوت مثل السبيبي يامدعي بالحب ليه القمر غاب=ليه اختفى عن هاجسي ما يجيبي نبتة غلا فيها من الشوق ما طاب=تثمر وانا اللي من ثمرها عطيبي زرعت له بالقلب مشمش وعناب=واسقيه من دمع العيون الرطبيبي خلٍ سجا من فوق سجات الالقاب=يغشى الحشا يطويه طي القليبي معسول مخمور اللما عذب الانياب=منكوس مربوع المقفى عجيبي مفتول محمود الطبايع اليا ءاب=منقوش ملهوف الحشا شق جيبي مزبور مزموم النهد سيد الاحباب=محبوب معدوم الوصايف مهيبي فتحت له بابٍ وسكرت له باب=يدخل ويطلع والغلا ما يغيبي وســــــلامتكم
|
|
![]() |
![]() |
#2 | |
ماجد الشمري
![]() |
![]()
اولا يسعد مساك يالبيت الرفيع
ثانيا صح لسانك ملايين على هالجزله واخيرا الله يحفظك |
|
![]() |
![]() |
#3 | |
يَ رَآحةة الدّنْيآ .. { إسْكُنينيّ ♥
![]() |
![]()
جميله ، صح لسانك <3
|
|
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 3 ( الأعضاء 0 والزوار 3) | |
|
|