ياغميضه

مرثيتي في اخي صالح رحمه الله

ياغميضه كيف رحت وكيف غادرت العريضه
ياغميضه ماكتفينا منْك ولا منّك شبعنا

ياغميضه كنت روضٍ معشبٍ في وسط فيضه
ياغميضه كان ورد الروض واشجاره تغنّا

كنت شمعه وكنت نور وكنت برقٍ في وميضه
كنت بذره وكنت زرع ومن طرف حقلك حصدنا

ياحبيبي من فقدتك صارت الدنيا بغيضه
ياحبيبي من دروسك نعمل لربٍ سألنا

الحزن مافيه حيله بالقلوب اعلن جضيضه
الحزن خيّم على منهو عرفنا وماعرفنا

صاحت لفرقاك لبده والزباره مع مغيضه
صاحت لفرقاك حايل والقرايا مع وطنّا

اشهد انك ياعضيدي صالح وتدي الفريضه
اشهد انك ياحبيبي مصلحْ ، من الله خلقنا

اطلب اللي بالسما يرحم جنابك وتعويضه
جنة الفردوس دار وجنة الخلد إستكنا