الحقيقة

[poem=font="cuarabic transparent,6,green,normal,normal" bkcolor="transparent" bkimage="" border="none,4," type=1 line=0 align=center use=sp num="0,black""]يا غزال عاش في ذيك السفوح=من عذابي حسبك الله ياغزال
ليه تسقيني من الفرقا لتوح =وتغرق الذكرى بآيات الجمال
قلبي اللي صار من يمك سموح=شال من جور المحبة والليال
تجتمع آهات قلبي والجروح=ويختلط وقع الحقيقة بالخيال
وارتكم هم على الخافق شفوح=ثم زاد وزاد والهم استطال
اشعر ان الوقع الظالم لحوح=يبني الآمال من نسج الخيال
يرسم الاشواق لوح فوق لوح=يقرب الأحلام من صعب المنال
من سرى الساري وانا قلبي يفوح=من ليال الصيف يا ذيك الليال
يشتكيه الحر من برد جموح=ويحداه البرد عن شمس الظلال
والمسى بعد الشفق يحتاج نوح=والدموع اللي بكنه بانهمال
يا شعاع من وضوح في وضوح=صور البسمه على وجه الجمال
يا لهيب الشوق ما عندي طموح=ذاب فيني من هواك الإحتمال
ليش مابك رحمة لي يالشحوح=تجرحن وتروح والتنهيد طال
صرت مثل اللي يصيح بالسطوح=ما لقا جابه وجرحه ما يزال
لا برا جرحي ولا الدمعه تبوح=ولا قدرت اشري من الحال المحال [/poem]