|
|
20-10-2013, 12:22 PM
|
#1 | |
|
شاعر
|
دورات الايام
احلى التحايا الى اعضاء منتدى حايلنا هديتي لكم بعد العيد ( دورات الايام )
دورات الايام تضحكنا وتبكينا=وإنّا على متنها باحلامنا نجري يا ذا العجب عندها او العجب فينا=ماهي مثل ما عرفناها على خبري نشواتها تلهي العاقل وتلهينا=له مبسمٍ يختفي من خلفه الغدري فزعات الاجواد ما تروي ضوامينا=كان انتخينا بهم في ساعة الصفري افكارنا تملي اللي به تغنينا=نكتب على اوراقنا من صبغة الحبري تبقى للاجيال تحكي عن امانينا=نخبر بها حالنا بابيات من شعري فحشات الاعذار لو نبطي تهقوينا=لو نستعير الرضا ما باح بالعذري اللي نبي صار مبعد عن مغانينا=يا حومة القلب بالذكرى لها تسري واللي يبينا نشوته من ورا الصينا=ما كنه الا حصاتٍ عورت ظفري في مسرح الحب تخذلنا مساعينا=نبيع باحلامنا والا لها نشيري اليا طرا اللي مضالي من ليالينا=تهيج كل المشاعر داخل الفكر لو نحسب اللي خذينا ما يكفينا=يا دوبنا نبتدي ترياقة السكري الا وجرحٍ نزف بالحيل موذينا=تموت لاجله عيال البدو والحضري اواه يا لوعةٍ قامت تصالينا=من حرها حاجري سيله وصل نحري يا نابش الجرح خلة في محانينا=خلة يلملم شتاتٍ باقي بصدري خذ من تناهيتنا لحن لأغانينا=وخذ من بقايا الالم وامسح به الصبري وين الذي لا تكدرنا يسلينا=ما عاد نسمع صدى صوته مع الفجري الشوق طاغي وليت الشوق يغنينا=ما يكفي إنّا على فرقاه نستقري لا عدت يالحب ما يمديك ترضينا=ولاعاد يوم الفراق اللي سلب عمري راح الوله من يدينا ما تهنينا=من قبل لا ينكتب في دفتري سطري ما طاب حلو الثمر من شجرة التينا=ولا طاب لي مشربة من كاسه الخمري ولا طاب لي من بذور الشوق يقطينا=ولا طاب لي مشتله باوراقه الخضري ولا طاب جني السوالف بالبساتينا=ولا طاب لي لمة ضلوعه على صدري ولا طاب قطف الزهر الا وتاتينا=زوابعٍ بعثرت مجموعة الزهري اقفى ولا عاد يرجع في حراوينا=في غيهبٍ وا عسى مدهاله القطري يا من هواه اتعب البحار بالمينا=خذ دفة الحب حلّق يمة النسري خذنا من اطرافنا لملم بواقينا=في عالم الحب لا في عالم السحري لوا هني من حصله داعج العينا=اللي يخلي بقايا الهم تنتثري لوا هني من تعدا حدود وادينا=لديار فيها النقا سمح اللقا عطري لوا هني من سكن في بيت غالينا=اجاور اللي لهم في خافقي قدري إنّا عليهم تعذبنا وحنينا=من بعدهم ما لقينا لحظةٍ تغري وإنّا عليهم جروح القلب تطوينا=تنزف اسا بالمسا والصبح من بدري وإنّا عليهم يهل الدمع بالعينا=لا وا سفا ما لقينا غيرهم سفري وإنّا عليهم سهرنا في ليالينا=ما لذ لي في منامي بعدهم خدري الله على قربهم يروي ضوامينا=والله على مهدهم وملاعب الخفري والله على مصت المبسم باشافينا=والله على ملمس النهدين بالصدري والله على ضمهم ما بين جنبينا=والله على سحبهم من مجمع الخصري والله على لو ولج بالباب راعينا=والله على صبة الافلاج بالنهري عجزت نواميسنا توصل مراسينا=مراكب الشوق تاهت بالهوى البحري ملت قراطيسنا من نسج ايادينا=ذربات الافكار ننقشها على الصخري دقت نواقيسنا تعلن مآسينا=تنقش معاناتنا تبقى مدى الدهري هاجت هواجيسنا من كثر امانينا=واسترسلت بالخفوق وضاق به صدري كثرت مقابيسنا والنار تكوينا=محدٍ رحم حالنا ولاحدٍ بنا يدري بردت محاميسنا يا من يقهوينا=نشفق على دلته في فيّة العصري دنّت مراويسنا بالحان تغرينا=نكتب لها الحانها مما لنا يطري ماتت احاسيسنا محدٍ يحس فينا=كنا على هيلعٍ ينهار منحدري لو صد عنا الهنا من قبل ياتينا=نبكي على ما جرا في وضعه المزري اللي بنيناه هديناه بيدينا=واللي ملكناه صار لغيرنا خدري دربٍ مشيناه مدري وين يرمينا=على نعيم الحياة او صالي الجمري مدري وش اقول بس الله يحمينا=من نايبات الدهر في تالي العمري لبا قلوبكم
|
|
|
| الأعضاء الذين قالوا شكراً لـ بيت الطين على المشاركة المفيدة: | آآآ حزان (26-06-2014) |
|
21-10-2013, 01:54 AM
|
#2 | |
|
ماجد الشمري
|
ياسلام عليك يابو عبدالعزيز
ابيات بها اوصاف دقيقه وبعضها خطير ههههههه صح لسانك لين ترضى يالغالي |
|
|
 |
| مواقع النشر (المفضلة) |
| الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
العرض المتطور