الخلاص

الله لا يجيب الزعل

ما عاد يمديك تخفي طبعك القاسي=خلاص تبنا .. عرفنا نفسك القشرا
ياما كتمنا على شانك بالانفاسي=وياما صبرنا ولا جاب الصبر قدرا
يا كثر ما بالغلط وطيت لي راسي=ويا كثر موفيت لك .. وانته ولا تدرا
يومك عزيز وغلاك يشب نبراسي=بنيت لك من غرامي بالهوى قصرا
جندت لك كل ما فيني من احساسي=واليوم هديت قصرك بيدك الغبرا
ليتك عرفت الهوى بالجاحد الناسي=ليتك تعلمت يا جرح الغلا .. تقرا
تعبت اعالج غلاك بكل مقياسي=تعبت ادور رضاك .. والتمس عذرا
واليوم منك بصدّر نشرة افلاسي=ابحفظ الما بوجهي قبل ما يعرا
وابطوي اوراق حبك طي قرطاسي=واشعل بها نار وارميها على الجمرا
احرقت رسم الغلا من شدة الباسي=وكسرت عهد الوفا يا جعلك الكسرا
طيرت فرخ القطا من عشه الماسي=وذيرت في داخلي ريمية الصحرا
جرحتني جرح من عقبه بدا ياسي=ودفنت لي حبي العايش بلا قبرا
ان كان طبعك كذا ما عاد به باسي=انته بدربك .. وانا جرحي يبي يبرا
ابطرد الهم واسلا عنك يا قاسي=واروض النفس واجبلها على الصبرا

وسلامتكم

وماعاد يمديك

ليتك*عرفت*الهوى*بالجاحـد*الناسـي
ليتـك*تعلمـت*يـا*جـرح*الغـلا*..*تـقـرا


صح لسانك ياشاعرنا
كل الورد والود

المشاركة الأصلية كتبت بواسطة بوح وجداني

وماعاد يمديك
ليتك*عرفت*الهوى*بالجاحـد*الناسـي
ليتـك*تعلمـت*يـا*جـرح*الغـلا*..*تـقـرا
صح لسانك ياشاعرنا
كل الورد والود

هلا ابو تركي
صح بدنك يالغالي
الله يديم الود ويكثر الورد
ولا يحرمك منهن
اممممممممممطخ

طيرت فرخ القطا من عشه الماسي
....................................... وذيرت في داخلي ريمية الصحرا

فكر راقي ومعاني فريده

قصيده جزله لام اللعالع هههههه

صح لسانك ملايين يابو عبدالعزيز

المشاركة الأصلية كتبت بواسطة انا هو انا

فكر راقي ومعاني فريده
قصيده جزله لام اللعالع هههههه
صح لسانك ملايين يابو عبدالعزيز

صح بدنك يابو سلمان
صدقني هاللعالع جازت لي حيل
الله يسعدك يارب

صح لسآنكك ي ابو عبدالعزيز قصيدة كعادتك من اجمل م يكون

ربي يعطيك الصحةة والعافية ماقصرت

المشاركة الأصلية كتبت بواسطة شجون الليل

صح لسآنكك ي ابو عبدالعزيز قصيدة كعادتك من اجمل م يكون
ربي يعطيك الصحةة والعافية ماقصرت

يا مرحبا باهل الجنوب
هلا وغلا شجون
صح بدنك يالغلا
اسعدني ردك الله يعافيك ويخليك