غيمة ذنوب الخلق جابت لنا ويل

تدري وش اللي يطرب الروح ي الروح
صوت الفتى لا قال (شبّة تعاليل)
وتدري وش احلى جو لاصرت مجروح
قول الفتى ب الليل ضعنا من السيل
دنيا الخطيّه جابت جروح و جروح
غيمة ذنوب الخلق جابت لنا ويل
و أكبر دليل الغيم لو (سيّر) يروح
ولا السحاب اللي له شهور ماخيل
مسموح يا وقت المجاريح مسموح
وراس الفرس لو ذل ماياصل الذيل
الوافي اللي يبني المجد ب صروح
و المجد أبعد للخيانه من (سهيل)
ويا رب اغثنا عد ما ذاكرك نوح
و اعداد نقع الخيل يا خالق الخيل
وصلّ على المبعوث لا خانك البوح
والله أكبر عد ما حِط أو شِيل

وسلامتكم ,,

غيمة ذنوب الخلق جابت لنا ويل
و أكبر دليل الغيم لو (سيّر) يروح
ولا السحاب اللي له شهور ماخيل
مسموح يا وقت المجاريح مسموح

^^^


صح لسانكــ ياابو مهاا >> بغيت اقولك ابو ريم

صح بدنك

منوره ام ريم

قصيده فيها صور بديعه وتجسيد لمعاناة

اصغتها باسلوب جميل

صح لسانك يافن

الجميل مرورك

صح بدنك ,

مسموح يا وقت المجاريح مسموح
وراس الفرس لو ذل ماياصل الذيل

،
ياخي هالبيت عن قصيدهـ
صح لسآنك .. ابو مهآ

من ذوقك تؤبشني

صح بدنك ,

الله يجيب الخير .. ويرحمنا برحمته ..

صح لسانك صديقي

دنيا الخطيّه جابت جروح و جروح
غيمة ذنوب الخلق جابت لنا ويل
و أكبر دليل الغيم لو (سيّر) يروح
ولا السحاب اللي له شهور ماخيل
....

الله عليك يامبدع
تسلم وصح لسانك
شكرا ابا مها

صح بدنك ديفادوف ~ صح بدنك بوح

منورين يا لبا قلوبكم