(( الصدق / والكذب ))

مساء السعاده

تفضلو /


متعكم الله بالرضا والعافيه

،،،،،،


أحلامنا غصن ، وأحاسيسنا طير
وأصدورنا فيها أعلوم ٍ كثيره
^^
فينا من الطيبه سحاب ، وتباشير
وفينا من الظيقه .. أهموم ٍ كثيره
^^
ناخذ من أكفوف المواجع .. معاذير
ونبكي ( ندامه ) من صفاء السريره
^^
يا صغرنا .. بعيون بعض المقادير
ويا كبرنا .. يوم الخطايا صغيره
^^
نصدق مع أنفسنا .. ونصدق مع الغير
كن الوفاء طفل ٍ .. وحنا ( سريره )
^^
وصدق العواطف لا حصل فيه تغيير
تصبح معاناة المشاعر .. كبيره
^^
واللي يعيش بصدق .. يلقى التياسير
ويحس لحظات المآسي .. قصيره
^^
واللي يعيش بكذب .. ما يذكر بخير
ويجف من ريح الملامه غديره
^^
الصدق .. طبع ٍ للرجال المناعير
وشخص ٍ بليا صدق .. نفسه فقيره
^^
والكذب مسرح للشقاء .. والمخاسير
ويبان زيفه .. بالفصول الأخيره
^^
ومن يصدق إيجي له مع الناس .. تقدير
ويقال : وافي .. وكثر اااااالله خيره
^^
يكسب رضا ربه .. ويكسب رضا الغير
وتثني عليه الناس .. في كل ديره
/
/

وسلامة احساسكم

فهـــــــد