كيف حالك ياقمر

كيف حالك ياقمر

[poem=font=",6,black,normal,normal" bkcolor="transparent" bkimage="" border="none,4," type=0 line=1 align=center use=ex num="0,black""]
ياقمر هذا شعور ٍ قايله في حضرتك=ارسله عبر المدى ياليت احاسيسي تجيك
كيف حالك ياقمر وشي سبايب غيبتك!=هو زعل ؟والا تغلي ؟ يامعذب من يبيك
والا هي سحب الليالي عن عيوني خبتك!=والا عيني ضاع شوفه من كثر ماتحتريك!
هذا ليلي شامت ٍ بي يوم عدت حزتك=آآه من جاير ظلامه لو يشوفنه عنيك
لاسماع ولاحكي ماغير ذكرى طلتك=السوالف كلها بيني وبيني منْك وفيك
هاه وينك ؟ ليه ماحرك شعوري مهجتك=ياترى هل صوت احاسيسي يوصلني اليك ؟
انتظاري لك كواني في لهايب صدتك=ليه ماتطفي خفوقي في نواعم راحتيك
جعلني فدوة شفاتك يوم ترسم ضحكتك=تنتهي كل المواجع لاهمست ابشفتيك
جعلني فدوة عيونك يوم ترسل غمزتك=السعاده مسرح ٍ واسع تضمه نظرتيك
جعلني فدوة رموشك يوم هزت خصلتك=ولعبة سبابتك مع جارته في خصلتيك
جعلني فدوة جفونك لا حبستي رمشتك=واخترق غيمة جفونك بارق ٍ من ناظريك
جعلني فدوة خدودك لاتراخت لثمتك=مشرقين ابوجه واحد يالـ روعة وجنتيك
ويش اوصف ويش اخلي من محاسن روعتك=ينتهي حبر المحابر والغلا ماينتهيك
لو بقى شي ٍ اقوله قلت لك ياقسوتك=كيف احبك هالمحبه ؟وانت مايطري عليك!
[/poem]

وسلامة من تااابع
بوح وجداني