تدري احب الليل من حب طاريك
صباح الخير
لاجديد يسوى النشر لكن ابي ارهق نواظركم .... تدري احب الليل من حب طاريك=والا السهر ماحقق اللي تمنيت لكن خفوقي لو تناسيت يطريك=وقول وش تكسب ليامنك اطريت يقول ماتدري عن اللي لجا فيك=يابوح لو تكذب على نفسك اخطيت اطلق عنان الشوق لعيون غاليك=واكتب حروف الحب لامن تطريت اكتب من الاشعار شعر ٍ يسليك=سج وتجول في وصايف من اغليت مدام للذكرى رحول ٍ توديك=ارحل وتلقى راحتك لو تعنيت وليا وصلته لاتقول اني اغليك=ولاتقول انك لجل شووفته جيت وان قال لك يابوح ربي يحييك=سلم سلام اهل السفن لاتعديت لاتستثيرك فزته لو يناديك=لاتظلمه بالحب يومك تخليت وانا ادري ان الحظ خيّب هقاويك=مهما تقول انك على ضمته ميت ماهنت نفسك يوم غازلت ماضيك=ولاخذلت الحب رغم انك ابطيت حضنت صوره من دواخل محانيك=بحضور شعرك والقلم والتناهيت عادي تحب الليل والليل يعطيك=مساحة ٍ فيها تباريح ماخفيت وسلامة من تااابع بوح وجداني |
يسسلم رآسك
صح لسانك والله ربي يسعدك ويخليك سلمت |
الله الله يابوح من اول حرف لاخره تستاهل الاقتباس
ماقول الا صح لسانك ملايين وتسلم لنا يابوح الشعر |
قلتلهآ لك ّ " امبرآطور " بوح ّ
لله درك يآ خوي ّ , لك تقييمي ّ بلآ شك ْ |
قمه ياا بوح احسااس يدش الروح ويهيم بهااا
يسلم احسااسك ومشاعرك وكلك على بعضك |
مـدام للذكـرى رحـول ٍ توديـك ...ارحل وتلقى راحتـك لـو تعنيـت الله الله الله صح لسـآنك مــدد بلآ عدد يابــوح دمـت هُنــــــــآ .. |
وان قـــال لـــك يـابــوح ربـــي يحـيـيـك *** سـلـم ســلام اهــل الـسـفـن لاتـعـديـت
الله يحيي نباك ياشيخ وتسلم على هالجزله قصيده فوق مستوى رائعه صح لسانك من هنا لين قاع بقعاء ههههههههههه |
اقتباس:
اسلوبك لايضاهيه اسلووب مشاء لله عليك صح لسااانك ويعطيك العافيه |
,*
يعطيك العافيه يابوح وربي قصيدة جدا ذوق وهذا اللي تعودناه منك صح لسانك ملايين :014: |
صح لسآآنك يابووح
قصيده جميله وراقيه وكل ماكتبت استحق التميز <<يعني نواظرنا ماتنرهق من قراءة الجزلات سلمت خيوو :014: |
الساعة الآن 06:05 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM