لا ضاقت الدنيا عليك و تشاويت.
خلق الله اللي في الرخا كان واجد.

فارفع يديك لخالقك لاتوضيت.
وادعو تراك أقرب الا صرت ساجد .

تكفا ترا تكفا لها تسّرج الخيل
ان كان لك في مجمع الخيل عسفا

تكفا تراني من قرومٍ مشاكيل
حماية الساقه بسيفٍ وشلفا

تكفا وتكفا ماتساق لمهابيل
تكفا تخلّي القرم لاشٍ وهطفا

تكفا ترى تكفا تهز الرجاجيل
لولا صروف الوقت ما قلت تكفى

عن عيُون آلنآس تسترني ثيآبي
وكل حي غيرر ربي مآ رجيته

يوم شفت أن آلكفن مآله مخآبيُ
كل مآ يطري على بآلي شريته

لو كل شخص اصادفه خاويته
ما كان لا جيت العرب فزّوبي!

ولوكل مايطري علي سويته
غطا على طيبي كثير عيوبي

ولع رماد الشوق يامعذبي نار
من كان يحلم باشتعال الرمادي

ما كنت احسب انه يكون اللقا حار
لين التقينا واشبكتنا الايادي


(مساعد الرشيدي) ...

ليه اتحاكى و كل أبوي يعرف غـاية كل أبيه
اليا فرح افرح و دمعه لا ذرف دمعي ذرف

اغليه يعني اعشقه اعشقه يعني اموت فيه
يعني انا ميت مع عشقه و مرتبة الشـرف


(سعد بن علوش)